"Eu vivín toda a problemática da república, e lémbroa como se a estivese vivindo hoxe". Filla do alcalde republicano de Vilagarcía, Mariví Villaverde sufriu a represión franquista xa de nova, e desenvolveu boa parte da súa vida no exilio en Arxentina. Neste país dirixiu, con Xesús Cuadrado o xornal "Galicia" e desenvolveu diversas actividades na colectividade galega exiliada. Villaverde traballou especialmente por defender o papel da muller dentro da colectividade emigrante e voltou ao noso país en 1966. Aínda neste 2006 puidemos vela en diferentes actos en lembranza polas vítimas da represión franquista. Unha vida de película que agora nos achega en tres minutos Xan Leira dentro da nosa serie "Historias de Vida".
Mira o episodio en culturagalegaTV
