Semella que a rede galega dedicada á banda deseñada vai apañando madureza en canto a contidos. Nesta redada atopamos nada menos que tres entrevistas que esmigallan polo miúdo as opinións de personaxes do medio. No web de BD Banda un texto do xornalista Xesús Blanco achéganos a Cano, libreiro gañador do último premio Ourense. Pola súa banda, desde portugal a páxina BDesenhada recolle unha ampla entrevista de Carlos Antunes a David Rubín. E, por se fose pouco, desde o blog Beliscos Pequenos achégannos unha triple enquisa na que participan o afeccionado Snob, o debuxante Alberto García e os responsables de Alita News, web da libraría homónima. Un bo lote de información, dispoñible para todo o mundo.
Máis información no web de BD Banda, en BDsenhada e en Beliscos Pequenos
