Ramón Villares, presidente do Consello da Cultura Galega (CCG), adiantou esta fin de semana, na entrevista que reproduciron diferentes medios galegos, algunhas das propostas que a institución que preside abordará ao longo do vindeiro ano. Deste xeito, Villares anunciou para o vindeiro mes a ambiciosa "Obra dos 660 pregos" de Sarmiento. Para algo máis tarde, está previsto desenvolver unha ampla exposición dedicada ás sociedades galegas de emigrantes. Reforzar o traballo dos arquivos e "iniciar debates por unha cultura forestal nova, sobre o sentido da cultura..." son, segundo o académico e historiador, outras das propostas do CCG para 2007, que traballará para "ir facendo tecido con institucións e asociacións".
Máis información en Galicia Hoxe