A vixésima Feira Internacional do Libro de Guadalajara (México), unha das máis importantes do ámbito hispanoamericano, contará coa presenza da edición galega grazas ás casetas propias das editoriais Kalandraka e Nova Galicia e aos espazos dedicados en casetas de caracter asociativo ás publicacións das tres universidades galegas, na caseta da Asociación de Editoriales Universitarias Españolas, e á revista A Trabe de Ouro, dirixida por Méndez Ferrín, e cuxa edición mostrarase na caseta da Asociación de Revistas Culturales Españolas. Nesta edición da Feira a cultura andaluza é a invitada especial, o cal reforza a presenza de Kalandraka a través do seu selo andaluz, alén diso a editora de libros infantís ten unha forte vinculación co país mexicano como demostra que nos últimos anos a Secretaría de Educación Pública do país americano incorporou máis de 20 títulos da editora galega no Plan Nacional de Lectura.
Máis información na Fil de Guadalajara
