Cultura declara Ben de Interese Cultural a necrópole de Santa Mariña, no Incio

Uns corenta túmulos, canda a varios depósitos arqueolóxicos e gravados rupestres compoñen a necrópole de Santa Mariña, que se estende entre os concellos do Incio, Sarria e Samos. Agora, a Consellaría de cultura acaba de declarar este conxunto, datado entre o 4000 e o 2000 antes de Cristo, Ben de Interese Cultural, unha cualificación que favorecerá a protección destes monumentos.