“O noso obxectivo é converter as bibliotecas en mediadores entre os usuarios e as súas necesidades”, deste xeito explicaba Enrique Quintáns, xefe do Servizo do Libro, a súa intervención no III Simposio da Lectura e o Libro que organiza ata mañá a Asociación Galega de Editores. Quintáns debullou a dramática situación actual nesta materia e perfilou un plan de actuacións que cofinanciará cos concellos, no que pretende a implantación da biblioteca electrónica e un programa de formación (tanto de usuarios como de bibliotecarios). Iso si, cada proxecto estará adecuado ao seu contexto.
Máis información no web da Asociación Galega de Editores
