A falta de demanda internacional para a aprendizaxe de galego mediante o Instituto Cervantes fai que o noso idioma só se ensine no centro desta institución en París. Así o sinalou onte o director da entidade, César Antonio Molina, durante a presentación no Senado da actuación do Instituto o curso pasado. Ao tempo, o Cervantes organizou un total de 240 actividades de promoción da nosa lingua. En contraste, o catalán ensinouse en 19 centros e difundiuse mediante 260 actividades. Pola súa banda, a Vicepresidencia da Xunta anunciou a posta en marcha para o vindeiro ano dun programa de voluntarios lingüísticos para estender o uso do idioma entre os máis novos.
Máis información en La Opinión; en Galicia Hoxe; o informe do Cervantes sobre o ensino do galego no mundo en La Voz de Galicia; os voluntarios lingüísticos en Faro de Vigo; máis sobre o Cervantes e sobre os lectorados de galego nos nosos arquivos
