O director do Instituto Cervantes, César Antonio Molina, anunciou que nos vindeiros meses Damasco, capital de Siria, acollerá a inauguración da Biblioteca Álvaro Cunqueiro, que dependerá deste organismo. O centro pretende, segundo Molina, ser o referente en canto a cultura galega para a rede de centros do Instituto. O anuncio producíase durante os actos de conmemoración do vinte e cinco cabodano de Álvaro Cunqueiro que se realizaron en Mondoñedo.
Máis información en Galicia Hoxe, en La Opinión, en La Voz de Galicia e nos nosos arquivos
