O autor de "Merlín e familia" volta estar de moda estes días. Por unha banda, hoxe abre en Damasco a biblioteca Álvaro Cunqueiro, dependente do Instituto Cervantes e que conta coa colaboración da Secretaría Xeral de Política Lingüística. Mesas redondas e diferentes actos conmemorarán esta posta en marcha. Ao tempo, no marco do seminario de Tradución e Poética, o profesor da Universidade de Vigo Xosé Henrique Costas desvelou que boa parte dos poemas que o mindoniense presentaba como traducidos por el, eran en realidade da súa autoría.
Máis información no web da Xunta, Galicia Hoxe; máis sobre Cunqueiro na nosa hemeroteca
