A Asociación de Escritores en Lingua Galega e o Colexio Profesional de Xornalistas de Galicia asinaron un convenio de colaboración que estreita a relación entre escritores e xornalistas do país. A primeira das manifestacións do convenio será a convocatoria dun premio que recoñeza a labor de escritura xornalística dun escritor ou xornalista. No convenio asinado polas cabezas de cada colectivo, Cesáreo Sánchez e Xosé Manuel Vega, tamén está contemplado acceso de cada organismo ás informacións e documentación que posúa o outro. Por outra parte a AELG tamén presentou oficialmente a súa nova sección de Crítica que xa anunciara en xullo. A nova sección avoga por apoiar a visión profesional da crítica e editará unha publicación de nome “Escrita contemporánea” na que se darán a coñecer os traballos dos críticos da sección.
Máis información no CPXG
