“Do primitivismo á arte galega” é o título co que a Fundación Seoane acaba de inaugurar unha exposición que evidencia o gusto polo retorno ao rural e a conservación da esencia primitiva a través de setenta obras de vinte e seis artistas. Seguimos na Coruña onde o Kiosko Afonso tamén estivo onte de inauguración “Tempos de liberdade. Arte en España de 1975 a 1990”, que se centra nas correntes artísticas que naceron coa transición. Dúas mostras tamén comezaron onte en Pontevedra, unha delas “Itinerarios artísticos “ (museo municipal) que fai un percorrido dos últimos cen anos da arte galega. A outra, no Pazo da Cultura, leva por título “Arte en Pontevedra V” e recolle a obra de doce novos autores.
Máis información no web da Fundación Seoane e no web da exposición “Arte en Pontevedra”
