"O regreso ao deserto", "Tarará-chis-pun" e mais "A piragua", xa anunciadas, son as tres producións que o Centro Dramático Galego estreará na temporada que presentou hoxe Ánxela Bugallo, conselleira de Cultura, en Santiago. Canda a estas, levarase ás táboas "Kamikaze", unha coprodución coa compañía PistaCatro que supón o retorno a este sistema de colaboración por parte do CDG. Outra grande novidade para esta temporada é a creación da figura do "Dramaturgo residente", un posto que será ocupado cada temporada por un creador galego. Desta volta será Cándido Pazó o encargado de escribir unha obra e de coordinar o curso "Pistas para unha dramática de actualidade" que se desenvolverá en novembro. Dúas novas liñas de edición en colaboración con Laiovento, a renovación do web do Centro e mais a xestión do Salón Teatro completan as propostas da entidade.
Máis información no web do IGAEM e nos nosos arquivos
