O Premio Ourense ao labor máis destacado no campo da banda deseñada foi este ano para a Libraría Paz, de Pontevedra, e o seu encargado Ángel Paz "Cano". Foi este un dos establecementos pioneiros en prestarlle atención á BD no noso país, hai xa dezaseis anos. A organización do premio recoñece o traballo do libreiro e da tenda, "por ser unha das grandes difusoras do medio, percorrendo media Galicia a través de feiras e eventos de todo tipo" e permitindo así o coñecemento da BD en lugares que carecían de establecementos especializados. Tamén lembran a implicación de Cano en iniciativas coma "BD Banda", e insisten no recoñecemento dos libreiros en xeral como un sector fundamental na divulgación da BD. O premio, consistente nunha figura de Manolo Figueras feita para a ocasión, entregarase nas vindeiras Xornadas de Ourense.
A nosa ficha da libraría; máis sobre as Xornadas de Ourense nos nosos arquivos