Fachada de O Garaxe Hermético
A mellor iniciativa galega de 2012 no campo da banda deseñada foi O Garaxe Hermético. Cando menos, así o considerou o xurado do Premio Ourense de Banda Deseñada que recoñece anualmente as propostas que máis contribúen a difundir a novena arte. A escola profesional dirixida por Kiko da Silva abría as súas portas en Pontevedra o pasado mes de abril. A entrega do premio, consistente nunha figura de Manolo Figueiras, realizarase mañá as 17 horas en Vento do Sul - Livraria Torga.
