Co web xa preparado, un novo número do Fanzine da Xornadas listo para descargar e un completo programa, daban comezo onte as XIX Xornadas de Banda Deseñada de Ourense. Ata o vindeiro día 21 poderán verse exposicións (Lola Lorente, Carlos Vermut, Pepo Pérez, José Rui, e Diego Blanco, entre outros), conferencias, presentacións e novas propostas de experimentación na novena arte da man do Laboratorio de BD de Ourense. O día 19, ademais, será a entrega dos galardóns do certame GZCrea e mais do premio ao mellor labor no campo da BD, que foi nesta ocasión para o colectivo Polaqia.
Toda a información no web das Xornadas e nos nosos arquivos
