Con setembro, ademais do inicio do curso escolar, as institucións e fundacións programan numerosas exposicións coas que facer máis lixeira a volta das vacacións. O MARCO de Vigo presentou onte a programación do último trimestre que ten en “Pintura mutante” o prato forte. Unha mostra que recollerá unha revisión do estado actual da pintura. Ademais, Madrid e Santiago acollen unha serie de instalacións colectivas que pretenden recoller a visión que teñen artistas internacionais sobre Galicia e Santiago, respectivamente. As oito intervencións santiaguesas que conforman “A cidade interpretada” comezan hoxe, mentres que “Galicia nosa/Galicia nuestra” abriu onte a temporada cultural da Casa de Galicia en Madrid.
Máis información sobre a programación do Marco en La Voz de Galicia e no seu web, sobre a exposición “A Cidade Interpretada” en Compostelacultura.org e sobre “Galicia nosa/Galicia nostra” en La Voz de Galicia
