A recuperación das cartas entre Ramón Piñeiro e Basilio Losada permitirá a súa edición nun volume

Hai cinco ou seis anos, o catedrático xubilado da Universidade de Barcelona, Basilio Losada, vendeulle á Xunta de Galicia a biblioteca que tiña en Barcelona e que atesouraba uns 20.000 volumes. Entre todo ese material figuraban 243 cartas que se enviaron Basilio Losada e o galeguista Ramón Piñeiro durante os anos sesenta e setenta. A correspondencia entre estes dous homes da cultura galega ía formar parte dun volume que prologaría o propio Losada pero que, non se puido facer dado que as cartas desapareceron ao pouco de ser vendidas. Sen embargo, segundo publica hoxe “La Voz de Galicia”, o epistolario foi recuperado, o que permitirá recuperar a edición das cartas de Piñeiro como se tiña proxectado inicialmente.

Máis información na edición de hoxe de La Voz de Galicia