A Asociación de Escritores en Lingua Galega ergue a súa voz en defensa do monte galego

Nun escrito presentado ante os medios por Manuel Rivas e Cesáreo Sánchez, presidente da Asociación de Escritores en Lingua Galega, os escritores avogaron por “un mundo rural de novo habitado”, xa que consideran que “o seu abandono foi parello ao abandono da nosa lingua e á perda das nosas raíces culturais”. No manifesto declaran o seu apoio á xente e aos equipos que traballan contra o lume e declaran sentirse “orgullosos do noso pobo que se nega a ser derrotado”. A AELG tamén apoia no texto as novas políticas preventivas e as medidas cara á incorporación dos mozos e mozas á actividade agrogandeira e forestal” así como a potenciación das especies arbóreas autóctonas. Os escritores declaran tamén o seu apoio á administración galega “que está a traballar honestamente” e cargan as tintas contra a oposición e a “política forestal suicida do pasado”.

Manifesto da AELG "En defensa do noso monte"