Sucédense os recoñecementos e as mostras de apoio a Isaac Díaz Pardo logo de que perdese o control de Sargadelos

O afastamento de Isaac Díaz Pardo da dirección do grupo Sargadelos está a se converter nunha das maiores causas de mobilización cultural dos últimos tempos. O pasado xoves era a Asociación de Escritores en Lingua Galega quen lle entregaba o seu premio "Bos e Xenerosos". O mércores premiábao a Fundación Araguaney. Están xa en marcha dous manifestos reivindicando que volte á fronte de Sargadelos. O Colexio de Arquitectos nomeouno Colexiado de Honra e mesmo a Sociedade Española de Mineraloxía expresou o seu apoio. De certo non han ser os últimos.

Máis información nos arquivos de Galicia Hoxe; nos de La Voz de Galicia; e nos nosos arquivos