A Asemblea de Accionistas que onte ía votar sobre a continuidade de Isaac Díaz Pardo á fronte do Instituto Galego da Información (IGI) quedou invalidada. A negativa de Díaz Pardo e dos seus partidarios a presentar as contas do exercicio 2006 e a interpretación que sen abordar este punto non se podería pasar ao seguinte (votar a destitución) permitiu bloquear a xuntanza. Isto supón que, polo momento, o histórico galeguista fica á fronte do IGI. Pola súa banda, a dirección de Sargadelos, emitiu onte un comunicado asegurando o seu interese en buscar a viabilidade deste organismo. Queda pendente agora a posibilidade de que se convoque unha nova xunta de accionistas para solicitar a destitución de Díaz Pardo.
Máis información en La Voz de Galicia, en Galicia Hoxe, en El País, no Faro de Vigo; sobre o comunicado de Sargadelos en Galiciae e na nosa hemeroteca
