María do Carme Kruckenberg será homenaxeada na súa terra mentres o Toxos e Froles recibe unha medalla e premian webs en galego

A poeta María do Carme Kruckenberg recibirá mañá a "Homenaxe á Escritora na súa Terra" que celebra anualmente a Asociación de Escritores en Lingua Galega. O acto será en Vigo, comezando ás doce nos xardíns de Montero Ríos para se desprazar despois a Castrelos. Ao tempo, o coro Toxos e Froles era galardoado onte coa Medalla de Ouro da Real Academia Galega de Belas Artes polos seus case cen anos de actividade. Finalmente, tamén onte se coñecían os webs gañadores dos galardóns Resaka das Letras, que organiza a Faculdade de Ciencias Sociais da Universidade de Vigo. A Galipedia, a versión galega de Google, Galego.org e Páxinas.com foron algunhas das iniciativas que recoñeceron os alumnos.

Máis información sobre a homenaxe a Kruckenberg no Faro de Vigo; a medalla do Toxos en Diario de Ferrol, a Resaka das Letras en Vieiros