Durante a pasada semana María Xosé Mosquera "Sex" estivo a impartir na sede da Fundación Caixa Galicia en Ferrol un obradoiro de BD. Esta actividade, dirixida a nenos de entre oito e doce anos abordou diferentes aspectos da novena arte, desde guionización e a creación de personaxes ata nocións básicas sobre a historia do medio. Os que non puideron asistir a este evento terán outra ocasión de asistir a un obradoiro o vindeiro día 27 de abril. Nesta data a Biblioteca Nova 33 de Santiago acolle unha actividade deste tipo destinada a alumnos de primaria. Será a cargo de Kiko Dasilva, que aproveitará para presentar o seu álbum "Fiz nos biosbardos", editado por Faktoría K de Libros.
Máis información en La Voz de Galicia e no web de BD Banda
