A nova programación de Televisión de Galicia ofrece mellores resultados de audiencia. En febreiro, a cadea pública obtivo oito décimas máis (16%) que no seu rexistro de xaneiro (15.2%). Por franxas horarias, a TVG segue sendo líder no mediodía, cun share do 30.3%. Aínda así, TVE 1 segue sendo a cadea máis vista en Galicia (20%), seguida por Antena 3 e Tele5. As televisións locais do país obteñen unha media dun 2.7%, unha porcentaxe máis baixa que no resto do estado, que se sitúa no 3.5%.
