Ante as recentes novas aparecidas en diferentes medios encol do relevo na Presidencia do Consello da Cultura, esta entidade quixo lembrar mediante un comunicado que se trata dun organismo autónomo e independente de calquera filiación política. Así mesmo lembrou que a elección do presidente depende unicamente do seu Plenario e que a única representación política no mesmo é a que ten a Consellaría de Cultura, en igualdade con outras institucións. O Plenario asumirá a elección do novo presidente cando finalice o mandato de Alfonso Zulueta o vindeiro mes de abril.
Máis información no web do Consello da Cultura
