Se onte recollíamos a serie de artigos que "La Voz de Galicia" está a dedicar aos problemas que o pago de dereitos de autor ten no sector editorial galego, hoxe temos a resposta das empresas. A Asociación Galega de Editores emitiu un comunicado no que asegura que estes pagos están legalmente establecidos no contrato cos autores e que a Consellaría de Cultura controla a súa realización como condición para conceder subsidios ás empresas. Ademais, a AGE asegura que promove as boas prácticas entre os seus asociados e animou os autores a reclamar "mesmo por vía legal" os casos de incumprimento destas obrigas.
Máis información en La Voz de Galicia, en Galicia Hoxe, no web dos editores e nos nosos arquivos
