Un dos máis inquedos autores da nosa BD, Daniel Montero, acaba de dar mostras do seu bo facer artÃstico ao conseguir o primeiro premio no VIII Concurso de Caricaturistas Nóveis. O xurado do certame, que convoca a Casa da Xuventude de Ourense, premiou unha serie na que Montero retratou os actores Xosé Manuel Oliveira, Ernesto Chao, Xoán Pérez, Luis Zahera, Celso Bugallo, Morris e Manuel Manquiña. Este traballo poderá verse na vindeira Bienal de Caricatura, que se celebrará na Cidade das Burgas no mes de marzo. Ademais da súa actividade na BD, o autor está na actualidade a traballar na produtora de animación Dygra.