A asemblea que a Asociación de Escritores en Lingua Galega (AELG) celebrou este sábado deu nunha chea de proxectos que entidade desenvolverá nos vindeiros doce meses. O poeta palestino Mahmoud Darwich será o primeiro homenaxeado no premio internacional que este colectivo acordou instituír. Ademais, a AELG outorgará premios de poesía, narrativa, ensaio, teatro e tradución, para alén do habitual galardón ao mellor libro do ano. Ao tempo, a asociación decidiu ampliar o seu número de seccións para prestar atención ámbitos coma a literatura infantil, o xornalismo ou a literatura na rede. Para maio, os escritores teñen previsto celebrar o congreso sobre "Muller e literatura", e preparan a súa participación no congreso Galeusca.
Máis información en Galicia Hoxe, no web da AELG e nos nosos arquivos
