O vindeiro 20 de febreiro comeza a nova temporada do Centro Dramático Galego. Será cando se estree A cabana de Baba-Iagá unha obra para nenos dirixida por Paula Carballeira. Seguiralles Illa Reunión dez días despois, que será a estrea de Ana Vallés no teatro público. Pola súa banda Miguel Insua ofrecerá con Medos a súa adaptación da obra de Steven Berkoff. A programación presentada pola directora Ánxeles Cuña no Salón Teatro completarase con Espectáculo sobre textos de Eurípides a comezos do 2007, que dirixirá a estadounidense Ellen Lauren. Ademais, anunciaron tamén o I Encontro Internacional Modelos de creación, produción, difusión e xestión que terá lugar en outono, así como ciclos de teatro lusófono e iberoamericano.
Máis información en Galicia Hoxe, no Faro de Vigo e La Voz de Galicia
