Hai tres meses a Consellaría de Cultura presentou a Ánxeles Cuña como nova directora do Centro Dramático Galego. A que foi directora da compañía ourensá Sarabela asumiu o cargo anunciando que precisaba tempo para traballar no deseño do proxecto artístico. O tempo concluíu e Cuña comparecerá mañá para dar a coñecer a programación para os vindeiros meses e presentar o seu modelo de teatro público. Nesta materia, Galicia Hoxe publica na súa edición do venres unha entrevista a Eduardo Alonso na que o coñecido dramaturgo expresa o seu desencanto pola situación actual do teatro galego seis meses despois do cambio de goberno.
Máis información en El Correo Gallego, a entrevista a Eduardo Alonso en Galicia Hoxe e sobre Ánxeles Cuña na nosa hemeroteca
