A fin de semana chega cargada de novidades teatrais. En primeiro lugar, o Centro Dramático Galego representa as últimas montaxes, Illa Reunión (dirixida por Ana Vallés) e “A cabana de Babaiagá” (dirixida por Paula Carballeira) en Narón e Santiago, respectivamente. Relacionado co teatro público, o Instituto Galego de Artes Escénicas e Musicais pon en marcha “E-scena”, un boletín electrónico para informar sobre as súas actividades e convocatorias. De teatro tamén se falou onte o Marco de Vigo, que serviu de espazo de presentación no número 46 da “Revista Galega de Teatro”. Ademais, as universidades da Coruña e de Vigo anunciaron que o día 18 comezará unha nova edición das súas mostras teatro.
Máis información sobre as actuacións do CDG en El Correo Gallego, El Diario de Ferrol; sobre a presentación da Revista Galega de Teatro en Galicia Hoxe e sobre as mostra de Teatro Universitario de Ourense, no Diario da Universidade de Vigo, e de A Coruña en El Ideal Gallego
