Gálix ofrécese para colaborar con Educación asesorando a docentes sobre literatura infantil e xuvenil

Membros da Asociación Galega de Literatura Infantil e Xuvenil (Gálix) poderían asesorar aos docentes nesta materia e participar nos proxectos que leve a cabo a Consellaría de Educación sobre literatura infantil e xuvenil. Nunha reunión celebrada entre a Conselleira, Laura Sánchez Piñón, e Gloria Sánchez e Paula Carballeira, representantes de Gálix, pediuse o apoio para a creación da páxina web da asociación e apoio a outros proxectos que están desenvolvendo que van desde grupos de traballo ata asesoramento por temas e idades e para cuestións máis específicas, todo iso non só en soporte libro, senón tamén facendo uso das novas tecnoloxías. A conselleira comprometeuse a estudar a posibilidade de relacionar estes proxectos cos que está a traballar a Administración educativa neste ámbito.

Máis información na Xunta de Galicia