As iniciativas de Investigación e Desenvolvemento en Galicia tocan cada día máis ámbitos. Agora tócalle a quenda á Sanidade, xa que a Consellaría correspondente acaba de pór en marcha un centro de apoio á investigación en proxectos deste ámbito. Deste xeito, agárdase coordinar mellor os grupos que aborden temas deste tipo. Ao tempo, a conselleira de Educación, Laura Sánchez Piñón, participa estes días no encontro Investindo en Investigación e Innovación, no que representantes de diferentes países europeos e de Canadá intercambiarán experiencias nas súas políticas de I+D.
Máis información no web da Xunta sobre a proposta de Sanidade; sobre o encontro de I+D; máis sobre esta materia nos nosos arquivos
