Antón Fraguas foi antropólogo, historiador e o seu nome aparece relacionado aos fitos galeguistas máis importantes de todos os tempos. Foi un dos impulsores do Museo do Pobo Galego e a súa figura será recordada nunha xornada que terá lugar esta tarde no Consello da Cultura Galega (CCG). O acto, aberto a todos os públicos, está organizado pola Sección de Antropoloxía Cultural e contará coa presenza do presidente da institución, Alfonso Zulueta de Haz, e os membros da sección Clodio González Pérez e Francisco Calo Lourido.
Máis información no web do Consello da Cultura Galega
