Os diarios de Frei Rosendo Salvado, o misioneiro beneditino de Tui que evanxelizou Australia hai uns cento sesenta anos, serán traducidos e publicados neste país. Roberto Esposto, profesor de español na universidade de Queensland e membro da comunidade beneditina que fundara este galego, está a se encargar da tradución e edición, que se agarda estea finalizada en 2009. Ao tempo, en Galicia prepárase un congreso que lembrará a figura de Ángel Amor Ruibal. Este teólogo e filósofo desenvolveu unha inxente tarefa filolóxica que chegou a obter recoñecemento mesmo a nivel europeo. Entre o 15 e o 17 deste mes un encontro no Consello da Cultura Galega reunirá a diferentes coñecedores desta figura co intención de situalo no lugar que lle corresponde dentro a historiografía europea.
Máis información en La Voz de Galicia, en Galicia Hoxe; no web do Consello; o noso especial e outros documentos sobre Frei Rosendo Salvado, nos nosos arquivos