A polémica sobre a eliminación do Ballet Rey de Viana da estrutura do Instituto Galego de Artes Escénicas e Musicais continúa con novos datos. Segundo publica hoxe La Voz de Galicia, esta formación tiña un custe anual de 1,8 millóns de euros, sen contar dietas ou gastos correntes. Ademais, a Consellaría de Cultura asegura que só realizou, entre abril e outubro de 2005, vinte actuacións. Este departamento sinala ademais que o único cliente neste tempo foi a propia institución e Ánxela Bugallo cualificou o grupo como unha compañía privada financiada publicamente que tiña unha dimensión económica moi grande para os seus resultados.
Máis información en La Voz de Galicia e nos nosos arquivos
