Do 1 ao 4 de decembro o MARCO de Vigo acollerá proxeccións da etapa española do Festival Resfest. Este evento dedicado ao cine dixital comezou en Nova York no mes de setembro, desde onde se traslada a diferentes partes do mundo exhibindo o mais novidoso deste campo. Esta edición está dedicada ao carácter multidisciplinar do músico americano Beck e ao colectivo escandinavo Traktor. Entre as novidades que se poderán ver no centro vigués, está “Ginga” o último traballo de Fernando Meirelles, o coñecido director brasileiro autor da popular “Cidade de Deus”.
