Esta tarde (20:00 horas) o CGAC presenta unha mostra antolóxica do pintor Xesús Vázquez. Non será unha inauguración habitual xa que hoxe xa non estará Miguel Fernández Cid, logo de que a Consellaría de Cultura dera por finalizado o seu contrato. Malia que, como contrato de alta de dirección, contaba cun preaviso de tres meses, a consellaría decidiu apartalo definitivamente do seu cargo aboando a liquidación pertinente non caso de cumprir ese prazo. Desde o gabinete de prensa apuntan que o nomeamento da persoa que o substituirá terá lugar nos vindeiros días e que é competencia exclusiva da Consellaría malia que o centro conta cun padroado.
Máis información sobre o cesamento en Vieiros e sobre o CGAC no noso especial
