Un artigo do académico Manuel González “A proxección exterior da lingua galega”, representa por primeira vez o noso idioma nun anuario do Instituto Cervantes. “2005: O español no mundo” é o título do volume co que esta institución dá conta da difusión deste idioma e mais das actividades que desenvolve neste sentido. Por primeira vez, este anuario recolle tamén a presenza internacional das linguas cooficiais do Estado, galego, catalán e vasco. No seu artigo, Manuel González lamenta as poucas traducións que se fan da nosa lingua e destacan o papel dos Centros de Estudos Galegos e mais dos cursos de lingua para estranxeiros na difusión do idioma.
Máis información en La Voz de Galicia e nos nosos arquivos
