Continúan a estrearse obras nos teatros galegos. "Otelo", "Escenas de matrimonio" e"Un tranvía chamado desexo" son as últimas que podemos ver en diferentes puntos da nosa xeografía.
Ingmar Bergman
A obra "Esceas de matrimonio", de Ingmar Bergman achegarase en marzo ata Galicia da man de Caixanova, realizando unha xira pola Coruña, Lugo , Ourense, Pontevedra e Vigo. A obra, representada por José Luis Pellicena e Magui Mira é da autoría do coñecido cineasta sueco Ingmar Bergman e narra, cun grande sentido o humor, a historia dun matrimonio de clase media. A peza escribiuse en tres meses e foi estreouse en Munich protagonizada por Rita Russeck que actualmente dirixe a montaxe por encarga de Bergman.
Otelo
A compañía coruñesa Librescena pechará a súa triloxía teatral "Tres mitos sobre o amor para a fin do milenio" coa representación de "Otelo". A obra de William Shakespeare representarase só con catro actores, en lugar dos dez previstos por limitacións orzamentarias. A obra, centrada nos ciumes e o desamor, completa o ciclo que comezou con "O barbeiro de Sevilla" e continuou con "Cyrano de Bergerac" e representarase no Teatro Principal de Santiago.
Un tranvía
A última das estreas que se desenvolve nestes días é a de "Un tranvía chamado desexo" que podrá en escea o grupo de teatro da Asociación Veciñal "Ensanche A" de Ferrol no centro Carvalho Calero. A obra estrearase o vindeiro día vintecinco, e non o vintetres como estaba previsto pola imposibilidade de dispor do espacio.
