Logo da estrea o pasado 17 de outubro en Narón, Teatro do Noroeste comeza hoxe a xira de presentación de Selección natural, a súa nova montaxe. Coproducida con Tranvía Teatro, o proxecto representarase ata o vindeiro día trinta en Sevilla, para continuar con funcións en Barcelona e Zaragoza. A obra, dirixida por Eduardo Alonso, escenifica un texto de Lola Correa con Luma Gómez e Cristina Yáñez como protagonistas. A corrupción e as relacións humanas centran, en ton de comedia, a nova produción.
