Teatro do Noroeste simplifica a súa estrutura nunha montaxe sobre a crise

Detalle do espectáculo. Fonte: Teatro do Noroeste

Linda and Freddy son dous desafiuzados, que tiñan unha vida, unha historia ata que chegou a crise e buscan como escapar e fuxir dela explica Eduardo Alonso, director de Teatro de Noroeste. Nesta última montaxe da compañía, Alonso non é só o director, senón tamén o autor do texto, actor, iluminador, escenógrafo acompañando a Luma Gómez sobre as táboas. Unha obra con recursos mínimos, nunha época de crise e para falar da crise. Estréase hoxe no Salón Teatro en Santiago (21:00 horas) e estará en cartel ata o domingo.

É un espectáculo sobre a crise porque é a realidade que está acontecendo e non podemos escapar dela asegura o autor e director do texto. Non era a primeira vez que Teatro do Noroeste se inspira na realidade para reinterpretala desde un punto de vista artístico. En O último cowboy, falamos sobre a idea da crise de Europa, pero nesta volta afondamos no problema social da crise explica. Dous actores, un dúo en decadencia asifixiado pola crise económica na que, segundo Eduardo Alonso, atopan unha vía de escape a unha situación que non ten moita saída.

A última liña de traballo de Teatro do Noroeste alónxase da súa traxectoria recente, de espectáculos de gran formato de corte musical con seis e oito actores no escenario. Tendo en conta a parálise nas contratacións, non podemos asumir riscos de tal xeito que se a produción non consigue suficientes funcións, os únicos soldos que se arriscan son os dos integrantes da compañía asumía Eduardo Alonso. A compañía, que se desfixo do local e do seu vestiario en 2012, estivo dúas semanas ensaiando no propio escenario no que esta noite estrean a súa nova proposta.

Ela, el e a crise

Sonllusionistas