Novas actualizadas, documentación do sector, axenda de eventos, información mellorada das editoriais e mesmo información sobre convocatorias de premios son os contidos que a partires de agora a Asociación Galega de Editores fará públicos a través de Internet. O seu novo sitio web inclúe unha ampla oferta de contidos actualizados, os seus obxectivos como asociación e mesmo algúns consellos para autores que queiran editar as súas obras. A AGE agrupa na actualidade a trinta e dúas empresas editoriais radicadas en Galicia, de todas elas dan información ampla neste sitio web, ademais de ofrecer os enlaces aos seus sitios web, de telos, e a outras entidades e institucións do seu interese.
Máis información no sitio web da AGE
