A Federación de Libreiros de Galicia e a Asociación Galega de Editores, reuníronse o pasado luns para analizar, entre outros temas, o conflito orixinado no sector pola ampliación da gratuidade do libro escolar e as convocatorias previstas da Mesa polo Libro e a Lectura. Editores e libreiros comparten preocupación pola paralización da Mesa Técnica de Gratuidade. Por medio dun comunicado á prensa aseguran considerar imprescindible a volta ao traballo da Mesa Técnica formada por representantes do sector editorial e das Consellarías de Cultura, Educación, Industria e Secretaría Xeral de Política Lingüística. As dúas entidades profesionais coinciden no apoio á gratuidade mediante a modalidade de tarxeta electrónica de pagamento. Na vindeira semana volverán a reunirse editores e libreiros para ultimar a redacción do documento “Libro, lectura e educación de calidade”, sobre as características desta alternativa.
Máis información no sitio da Asociación Galega de Editores
