Barcelona foi, desde sempre, un lugar de acubillo para os galegos. De feito, existen máis de 85.000 galegos censados en Cataluña o que, en moitas ocasións, lle valeu o sobrenome de “a sexta provincia”. Agora a Asociación de Empresarios Galegos en Cataluña (AEGA-CAT) acaba de convocar o “Gran encontro” de Galicia en Barcelona que comezará a desenvolverse mañá. O tema central será Galicia pero desde diferentes puntos de vista, por iso haberá lugar para a gastronomía, a cultura, a empresa e o debate así como numerosos espectáculos nos que participarán, entre outros, Luz Casal, Luar na Lubre ou Carlos Núñez.
Máis información na web da Asociación de Galegos en Cataluña
