A Asociación de Escritores en Lingua Galega cumpre vinte e cinco anos. Unha celebración que non pasará desapercibida porque os seus integrantes queren repensar o seu traballo, o seu papel na sociedade e continuar co traballo iniciado cando se constituíron en 1980. Para facelo teñen previsto dúas actividades: por unha banda, a celebración dun congreso a primeira fin de semana de xuño e, pola outra, a creación dun Centro de Documentación de escritores e de escritoras en lingua galega no que se recollerá material como orixinais de libros, notas ou calquera outro elemento que teña valor documental.
Máis información en La Voz de Galicia
