Xa se saben os gañadores da III edición dos Premios Galicia Innovación Júnior. O premio na categoría de 12 a 15 anos foi para o coruñés José Ramón Núñez por un termobiberón, un frasco de vidro que permite coñecer a temperatura exacta do leite grazas a un adhesivo que cambia de cor en función do calor. O vencedor na categoría de 16 a 18 anos foi o ourensá Iván Míguez que deseñou un sistema para o control automático do tráfico nas glorietas. O primeiro recibirá un ordenador portátil e unha cámara de fotografía dixital, mentres que o segundo recibirá un portátil e un PDA. Os premios entregaranse no transcurso da feira de inventos “Imaxinaria” que se desenvolverá no mes de maio en Vilagarcía.
Consulta os inventos e a listaxe de finalistas no web da Xunta
