Os escritores homenaxearán ao Museo do Pobo Galego e ás irmás Pura e Dora Vázquez en vindeiros eventos

A Asociación de Escritores en Lingua Galega (AELG) dedicará ao Museo do Pobo Galego a homenaxe "Os bos e xenerosos", na súa segunda edición a celebrarse o 30 de abril. O presidente da Real Academia Galega fará a laudatio da institución homenaxeada nun acto que congregará en Compostela á directiva e socios da asociación e a numerosas personalidades da vida cultural e social. A AELG tamén anunciou que celebrará en Poio e Pontevedra o XXV aniversario da súa fundación o 4 e 5 de xuño ao tempo que decidiu que as protagonistas da XI edición da homenaxe " O escritor na súa terra" sexan as irmás Pura e Dora Vázquez a quen a asociación vai homenaxear en Ourense, a súa cidade natal, o 25 de xuño.