Xerais vendeu no 2004 máis de trescentos sesenta mil libros, publicou 156 novidades e tirou do prelo 84 reimpresións. A editorial fixo públicas as súas cifras do pasado ano nas que destacan os case quince mil exemplares vendidos do Pequeno Dicionario Xerais da Lingua e os case once mil do Dicionario Xerais da Lingua, os dous adaptados á nova normativa da RAG. Nos xéneros literarios, o libro máis vendido nese ano do XXV aniversario de Xerais foi a reedición de Cartas de inverno, de AgustÃn Fernández Paz, novela xuvenil editada en 1996 que xa vai pola súa décimo sexta tirada con case 55000 exemplares vendidos. No apartado dos libros de referencia destacaron Vigo por Magar II, do que se esgotaron os 3000 exemplares editados a finais de novembro, e Galicia en cen prodixios de Henrique Alvarellos, do que se levan vendidos máis de 3600 exemplares segundo informa a editorial.
Máis información en Galicia Hoxe
