Xerais supera os dez millóns de volumes vendidos desde o seu nacemento

Desde a súa fundación en 1979 ata o feche do exercicio 2011, Edicións Xerais vendeu 10.103.409 exemplares. Así o anuncia hoxe a editora, que apunta que o Pequeno Dicionario Xerais segue a ser a estrela da firma, con máis de 350.500 exemplares vendidos desde a súa aparición. Canda a isto, a editora sinalou que no pasado ano editaron 125 novos títulos e fixeron 105 reimpresións. Dos lanzamentos de 2011 foron Non hai noite tan longa de Agustín Fernández Paz, con 3.500 exemplares, e o volume de contos completos de Manolo Rivas, con case 4.000, os títulos que conseguiron máis vendas.