Made in Galiza de Sechu Sende foi o libro máis vendido de Galaxia durante 2008, con cinco reimpresións. A editorial fixo público no seu web un resumo das cifras do pasado ano, en que publicou 95 novos títulos que sitúan o seu catálogo vivo en 1.075 referencias. Como tendencia nese catálogo apúntase un incremento destacado no número de traducións, que chegaron a 145 entre 2000 e 2007. A firma sitúa a tiraxe media entre 2000 e 2008 en 1.776 exemplares, cun máximo de 8.000 e cifras mínimas de 800 volumes.
